"Miss Tailand" titulunun keçmiş sahibi Panadda Vonqpudi xeyriyyə fırıldaqçılığı ittihamı ilə Banqkokda həbs edilib.

"Unikal" xəbər verir ki, Vonqpudinin "Xeyirxahlıq Fondu"na ianə edən bir neçə bloqçu və digər donor ona və təşkilatına qarşı şikayət ərizələri təqdim edərək, onları vəsaiti mənimsəməkdə ittiham ediblər.

Tailandın Mərkəzi Təhqiqat Bürosuna (CBI) 10 nəfər fondun daşqın qurbanlarına və Taylandın sərhəd bölgələrində yaşayan insanlara kömək etmək üçün nəzərdə tutulmuş vəsaitləri mənimsəməsi ilə bağlı şikayət ərizəsi təqdim edib.