Son səkkiz ildə Estoniyada əlilliyi olan insanların sayı təxminən 40% azalıb.

"Unikal" xəbər verir ki, hazırda ölkədə 97.500 əlil yaşayır, 2018-ci ildə isə bu rəqəm 158.500 idi.

"Diaqnostikanın təkmilləşdirilməsi, xroniki xəstəliklərin artması, əhalinin yaşlanması və əqli sağlamlıq problemləri olan gənclərin sayının artması nəzərə alınmaqla, bu azalma anlaşılmazdır. Bunun arxasında əlilliyi olan insanların sayını azaltmaq üçün dövlət siyasətinin dayandığını iddia edə bilmərik. Lakin statistikaya baxırıq və onların sayının niyə azaldığını başa düşmürük", - deyə Estoniya Əlillər Palatasının vəkili Kristi Rekand bildirib.

Sosial İşlər Nazirliyi və Sosial Sığorta Şurası da bu tendensiyanı izah edə bilmir. Onlar həmçinin dövlətin pula qənaət etmək üçün verilən əlillik dərəcələrinin sayını qəsdən azaltdığını da inkar edirlər.