Gümrüdəki Rusiya hərbi bazasında baş verən insidentdən sonra Ermənistanda iki rus hərbçisi saxlanılıb.
"Unikal" xəbər verir ki, Onlar hazırda Ermənistan həbsxanasında saxlanılırlar.
Hadisə təxminən bir ay əvvəl baş verib. Ukrayna vətəndaşı Dmitri Samuyelenko hüquq-mühafizə orqanlarına müraciət edərək Gümrü yaxınlığında iki hərbçi tərəfindən döyüldüyünü bildirib. İstintaq Komitəsi cinayət işinin açıldığını və məhkəmə-tibbi ekspertizası təyin edildiyini bildirib. Hücumun səbəbi məlum deyil.
Nə Rusiya hərbi bazası, nə də İrəvandakı Rusiya səfirliyi hadisə ilə bağlı açıqlama verib.
