Böyük Britaniyada tək bir şam yeməyi süfrəsi üçün beşgünlük hazırlıq görülüb.
"Unikal" xəbər verir ki, Kral Çarlz Oman sultanı Heytəm bin Tariqi Vindzor qəsrində qonaq edib.
Qırx dörd ildən sonra ilk dəfə keçirilən bu dövlət səfəri üçün süfrə açılması əsl əzəmət nümayişi olub. Hətta kral süfrəsində istifadə edilən tarixi süfrə qablarının təmizlənməsi və cilalanması səkkiz nəfər üçün üç həftə çəkib. 160 qonaq üçün 47 metr uzunluğunda bir süfrə hazırlanıb. 1452 ədəd süfrə qabı qoyulub, hətta stullar arasındakı məsafə də millimetrə qədər ölçülüb. Süfrəni bəzəyən narlar əlli ildən çox əvvəl Kral Çarlzın atası Şahzadə Filip tərəfindən əkilmiş ağacdan xüsusi olaraq yığılıb. Hətta duzqabında da Kralın xüsusi gerbi olub.
Bundan əlavə, bütün hazırlıqlar başa çatdıqdan sonra son yoxlama şəxsən Kral Çarlz və Kraliça Kamilla tərəfindən aparılıb. Ziyafətdən əvvəl cütlük salonu gəzərək güllərə və süfrə açılmasına sonuncu dəfə baxıblar.
