İsrailin Baş naziri Benyamin Netanyahu ABŞ-yə planlaşdırılan səfərini ləğv edib.

"Unikal" xəbər verir ki, bu barədə İsrailin I24 televiziya kanalı mənbələrə istinadən məlumat verib.

Kanal izah edir ki, "görüşün tarixi heç vaxt təyin olunmayıb və onun gündəliyi və ya gözlənilən nəticələrlə bağlı ilkin razılaşmalar əldə edilməyib".

Mənbələrə görə, son günlərdə səfər zamanı Netanyahu ilə Tramp arasında görüş təşkil etmək üçün "intensiv səylər" göstərilsə də, "bu səylər nəticədə uğursuzluğa düçar olub".

İsrail Baş Nazirinin Ofisi səfərin təxirə salınmasının Netanyahunun iştirak etməyi planlaşdırdığı senator Lindsi Qrahamın dəfn mərasiminin tarixində dəyişikliklə əlaqəli olduğunu açıqlayıb. Lakin I24-ün məlumatına görə, səfərin ləğvi yalnız cədvəl mülahizələri ilə bağlı deyil.

I24-ün qeyd etdiyi kimi, Vaşinqton və Tehran arasında anlaşma memorandumunun uğursuzluğundan sonra diplomatik vəziyyət daha da mürəkkəbləşib.