Fransa hökuməti ölkə daxilində pis təhsil şəraitinə qarşı gənclərin kütləvi etirazlarına cavab olaraq təhsil sektorunda tədbirlər görəcəyini açıqlayıb.
"Unikal" xəbər verir ki, bu barədə Fransanın Baş naziri Sebastyan Lekornu sosial mediada məlumat verib.
Onun sözlərinə görə, hökumət universitet binalarının təmiri üçün 1 milyard avro, məktəblərin təmiri üçün isə regionlara güzəştli faiz dərəcələri ilə 4 milyard avro kredit ayırır. Həmçinin, 2027-ci ildən başlayaraq təqaüdləri inflyasiyaya uyğunlaşdırmaq öhdəliyi götürür.
Bundan əlavə, hakimiyyət orqanları 2027 və 2028-ci illərdə ali təhsil sistemində əlavə 15.000 yer, eləcə də 500 əlavə müəllim vəzifəsi və psixoloqlar, tibb bacıları və sosial işçilər üçün 500 yer vəd edir. Onlar həmçinin siniflərin sayını məhdudlaşdırmağı və zəmanətli bir saatlıq nahar fasiləsi tətbiq etməyi vəd edirlər.
Lekornu qeyd edib ki, hökumət təhsil sistemində dəyişikliklər etmək üçün 3000 liseydən gələn müraciətləri nəzərdən keçirib.
