Amerikalı dietoloq Reyçel Ajmera səhərlər həddindən artıq susuzluq yaşayanlara xəbərdarlıq edib.
"Unikal" xəbər verir ki, o, "Eating Well"ə verdiyi müsahibədə bu simptomun potensial təhlükələrindən danışıb.
Həkimin sözlərinə görə, səhərlər güclü susuzluq diabetin inkişafını göstərə bilər. Ajmera izah edib ki, insan yatarkən bədən tədricən maye itirir, bu da qanın qatılaşmasına və qlükoza konsentrasiyasının artmasına səbəb olur. Bu, böyrəklərin sidikdə artıq qlükozanı aktiv şəkildə xaric etməsinə də səbəb olur.
"Əgər gözlərinizi açdıqdan dərhal sonra tez suya əl atırsınızsa, bu, yatarkən qlükoza səviyyənizin adi haldan daha yüksək olduğuna dair incə bir siqnal ola bilər", - dietoloq izah edib.
Son olaraq mütəxəssis bu problemlə tez-tez qarşılaşan insanlara qan şəkər səviyyələrini yoxlatmağı tövsiyə edib.
Gülayə Mecid
