Baş nazir Novruz Məmmədov Qvineya-Bisau Respublikası prezidentinin xüsusi nümayəndəsi - fövqəladə və səlahiyyətli səfir Mamadu Sano Qomesi qəbul edib.
Nazirlər Kabinetinin mətbuat xidmətindən unikal.org-a bildirilib ki, qonaq regionun ən qabaqcıl dövlətlərindən olan Azərbaycanla ikitərəfli əlaqələrin öz ölkəsi üçün maraq doğurduğunu vurğulayıb. Daha sonra o, Qvineya-Bisau Respublikasının prezidenti Joze Mario Vazın Azərbaycan prezidenti İlham Əliyevə ünvanladığı məktubu baş nazirə təqdim edib.
Görüşdə qarşılıqlı əməkdaşlığın perspektivinə dair tərəfləri maraqlandıran bəzi məsələlər ətrafında da fikir mübadiləsi aparılıb.
